• ХАЯГ : Сүхбаатар дүүрэг, 1-р хороо , BLue Sky tower, 5 давхар, 501 тоот
  • 77110138 77110138
Товч танилцуулга
Менежертэй холбоо барих
Дагагчид
Танилцуулга
 
АРКЕТАЙП ГРУПП БОЛОН АРКЕТАЙП МОНГОЛИА-Н ТОВЧ ТАНИЛЦУУЛГА
 
АРКЕТАЙП ГРУПП нь барилгын зөвлөх үйлчилгээний тэргүүлэгч байгууллагуудын нэг бөгөөд интерьер дизайн, Архитектурын зураг төсөл, Барилга Бүтээцийн зураг төсөл, Механик, Цахилгаан болон Cан техникийн зураг төсөл, Ерөнхий болон Xэсэгчилсэн төлөвлөлт, Төслийн удирдлага /төслийн менежмент/, Зардлын болон Барилгын удирдлага /барилгын менежмент/ зэрэг үйлчилгээнүүдийг өндөр зэрэглэлийн төслүүдэд мэргэжлийн өндөр ур чадвартай, хүртээмжтэй, чанартай, үр дүнтэй, нэг дор үзүүлэх чадамжтай. (www.archetype-group.com)

АРКЕТАЙП ГРУПП нь нийт Азийн Вьетнам (2), Камбодж, Хонг Конг, Энэтхэг(3), Тайланд(2), Лаос, Монгол, Казакстан, Канбодж, Индониз, Мямар, Куатар болон Франц зэрэг 15 орнууд дахь салбар офисууддаа 500 гаруй ажилтан, мэргэжилтнүүдтэйгээр үйл ажиллагаагаа явуулж байна.  

Аркетайп групийн стратегийн хамтрагчид

АРКЕТАЙП ГРУПП нь Парис дахь салбараараа дамжуулан Эквадор болон Европын Архитекторуудын сүлжээнд нэгдэн, стратегийн хүрээнд хамтран ажиллаж байна.
Ийнхүү мэргэжлийн экспертүүдтэй хамтарч ажилласнаараа үйлчлүүлэгчиддээ олон улсын түвшинд өрсөлдөхүйц, байгууллагуудын хоорондын нэгдсэн нөөц, тухайн улсын онцлогийг тусгасан мэдлэг, тал бүрийн туршлага болон зардлыг хэмнэсэн чанартай үйлчилгээг санал болгож байна.
Ази, Ойрхи дорнод болон Европын орнуудын нэр хүнд бүхий олон тооны төслүүд болох Хот төлөвлөлт, тансаг зэрэглэлийн Зочид буудлууд, Амралтын газрууд болон Орон сууцууд, төрөл бүрийн үйлчилгээний барилга, дэд бүтэц, Эрүүл мэндийн(эмнэлгийн), Үйлдвэрийн, Оффисын болон худалдаа үйлчилгээний, мөн бусад тусгайлсан барилгуудын төслүүд дээр гардан оролцож, гүйцэтгэсэн арвин туршлагатай болоод байна.
 
Бид барилгын дизайны хамгийн өндөр чанар стандартын үйлчилгээг санал болгодог нь бүхий л Ази даяар Аркетайпыг нэр хүндтэй болгож үйлчлүүлэгчид ч манай барилгын чанар болон загварт сэтгэл их хангалуун байна.
 
АРКЕТАЙП МОНГОЛИА ХХК нь 2012 оны 6 дугаар сарын 14-ны өдөр үүсгэн байгуулагдаж, Монгол улс дахь гадаадын хөрөнгө оруулалттай аж ахуйн нэгжийн гэрчилгээ, Улсын бүртгэлийн гэрчилгээтэйгээр үйл ажиллагаагаа явуулж байна.
 
Монгол Улсад орж ирээд 4 жил, албан ёсоор салбараа нээн үйл ажиллагаагаа  явуулсан 2 жилийн хугацаанд  Макс групп, Нүүдэлчин Групп, MSC Holding ХХК (Shangrila Hotel-Phase 1 - төслийн менежмент), ЖЕМ интернэшнл, Тэнгэр санхүүгийн Байгууллага, Big Sky Capital, Mongolian Growth Group, APIP, Mongolian property Management Group, UB hotel, Сика Монголиа ХХК, Leighton LLC, БАЗ Интернэшнл, Bumrangrad Hospital зэрэг байгууллагуудтай гэрээ байгуулан Аркетайп-н үзүүлдэг бүх үйлчилгээг үзүүлэн амжилттай ажиллаад байна. Одоогоор бид Монголд 30-аад төслийн туршлагатай болоод байна.
 
Тусгай зөвшөөрлүүд:
 
АРКЕТАЙП МОНГОЛИА ХХК нь 1-16 давхар барилга байгууламжийн зураг төслийн тусгай зөвшөөрлийн гэрчилгээтэй Монголд бүртгэлтэй цорын ганц гадаад компани  билээ.
Аркетайп Монголиа ХХКны ерөнхий болон хэсэгчилсэн төлөвлөлт, хот төлөвлөлтийн суурь судалгааны тусгай зөвшөөрөл нь Барилга хот байгуулалтын яамнаас 2013 оны 9-р сард олгогдсон мөн энэхүү тусгай зөвшөөрөлтэй цорын ганц гадаад компани  билээ.
Нийт 36 ажилчлдын 6 нь Монголд байнгын оршин суудаг гадаад ажилчид, 4 нь зөвлөх инженерүүд юм.
Аркетайп нь эрх бүхий байгуулгад боловсруулсан зураг төслүүдээ танилцуулан батлуулах үүрэг хүлээнэ.
 
Дараах үйлчилгээнүүдийг санал болгодог:
  • Зах зээлийн судалгаа, техник эдийн засгийн үндэслэл
  • Ерөнхий төлөвлөгөө болон хот төлөвлөлт
  • Архитектурын болон Дотоод засал чимэглэлийн зураг төсөл гаргах
  • Гадна тохижилтын зураг төсөл гаргах
  • Барилгын болон бүтээцийн инженерингийн зураг төсөл гаргах
  • Механик болон цахилгааны инженерингийн зураг төсөл гаргах
  • Зураг төслийн хяналт болон чанарын инженерингийн хяналт хийх
  • Тендерийн үйл ажиллагаанд дэмжлэг үзүүлэх
  • Төслийн удирдагчаар хангах
  • Барилгын менежмент
  • Тоо хэмжээ болон зардал, төсвийн удирдлагаар хангах
  • Дизайнд засвар хийх, Дутуу хийсэн дизайныг цааш хөгжүүлэх, Бэлэн болсон дизайныг хянаж шалгах
Олон талын ур чадварыг шингээсэн загварын үндсэн зарчим
Аркетайп нь нарийн мэдрэмжтэй, чанартай, бүтээлч байдлаараа хэрэглэгчиддээ танигдсан байгууллага юм.
Бид үйлчлүүлэгчиддээ олон талт, тасралтгүй мөн зардлын хувьд хэмнэлттэй үйлчилгээг санал болгодог нь бүтээлч байдал нягт хамтын ажиллагаа хамгийн чухал гэдгийг маш ойлгодог үйлчлүүлэгчдийн маань талархлыг хүлээдэг. Аркетайп нь туршлагатай, чадварлаг архитекторууд, төлөвлөгчид, интерьер дизайнерууд, гадна тохижилтын архитекторууд, барилгын инженерүүд, механик цахилгааны инженерүүд, төслийн удирдагчдыг нэг дор цуглуулж чадсан байгууллага юм. Энэ ч утгаараа бүтээлч санаа, олон төрлийн ур чадваруудын нэгдэл нь дизайны шинэлэг шийдлүүд, нэгдмэл хариуцлага, нэгэн бүхэл ажлыг бий болгох бүхий л орц хэсгүүдийн нэг дор хэрэглэхийн давуу талыг бий болгож чадсан.
Дизайны зураг төслийн үе шатнаас эхлээд барилгын бүхий л үе шатыг дуусталх тасралтгүй үйл ажиллагаа нь үйлчлүүлэгчийн сэтгэл ханамжийг өндөржүүлэх, гүйцэтгэгчид үнэхээр зөвлөхийн гаргасан дизайны дагуу зөв зүйтэй шаардлага хангахуйцаар ажлаа гүйцэтгэж байгаа эсэхийг хянах нь олон улсын стандартын шаардлагад нийцэхүйц өндөр зэрэглэлийн төсөл хэрэгжүүлэх хамгийн анхан шатны үндэс суурь нь болдог.
Үйлчлүүлэгчийг сонсох, ойлгох мөн үйлчлүүлэгчид зөвлөх нь
Аркетайп нь олон орны дотоодын хэрэглэгчдийн шаардлагад нийцүүлэн хэмнэлттэй, туршлагатай өндөр зэрэглэлийн үйлчилгээ үзүүлэх чадвартай Ази, Европ, Америк зэрэг орон орны архитекторууд, инженерүүдийн удирдлаган дор үйл ажиллагаагаа явуулдаг. Аркетайпийн 1993 оноос хойш олон томоохон төслүүдэд оролцон амжилттай хэрэгжүүлэн дуусгаж байсан туршлагатай учраас үл хөдлөхийн хөрөнгийн бизнесийн талаар болон барилгын стандарт, барилгын материалын нийлүүлэгчид, тэдгээрийн үнийн талаар арвин мэдлэгтэй.
 Манай мэргэшсэн архитекторууд болон инженерүүд нь захиалагчдын болон тэдгээрийн ирээдүйн хэрэглэгчдийн хэрэгцээ, соёл, шаардлага болон амьдралын хэв маягийг сайн ойлгодог бөгөөд тухайн төсөлд зориулан захиалагчийн хэрэгцээ, шаардлагыг тухайн хүрээлэн буй орчинтой нь уялдуулан маш сайн зөвлөгөө, шийдлүүдийг санал болгодог. Захиалагчтай харилцах харилцааг манай сүлжээ оффисууд зохицуулж байдаг.
 
Аркетайп групп-д сүүлд хийгдсэн дэвшилт нь Францын тэргүүлэх зөвлөх болох Алтерео, Берим болон Кабинет Мерлин фирмүүдтэй хамтран ‘Archetype Environment’ -ыг үүсгэн байгуулсан явдал юм. ‘Archetype Environment’ нь Ус болон бохир ус зайлуулах, хатуу хог хаягдал, эрчим хүчний бүтээмж болон Геологийн мэдээллийн сан болон хөрөнгийн удирдлага зэрэг чиглэлээр үйл ажиллгаа явуулдаг болно. (www.archetype-environment.com)
 
 
 
 
 
 
 
 
 
Дэлгэрэнгүй